مركز المساعدة

كيف نساعدك؟

أسئلة صنّاع المحتوى، بأجوبة قصيرة.

البداية

كم يكلفني؟

ولا شي مقدّم، وما فيه اشتراك. أسعارك تشمل الضريبة، ومن كل طلب نخصم الضريبة وتكلفة التصنيع ورسومنا 5% + 1 ريال من سعر البيع، والباقي لك.

أعرف ربحي قبل ما أنشر؟

إيه. تشوف ربحك على كل منتج وكل مقاس وأنت تحدد السعر، والسعر بيدك.

أقدر أعدّل تصميمي بعد ما أنشره؟

إيه. تعدّل تصميم أي منتج من لوحتك متى ما بغيت.

أحتاج سجل تجاري؟

لا. ما تحتاج سجل تجاري ولا أي إعداد قانوني، حنا نتكفل بكل شي.

أقدر أقفل حسابي؟

إيه، متى ما بغيت. راسلنا ونقفله لك. يوقف رابطك ومتجرك، ونكمّل الطلبات اللي اندفعت، ورصيدك المتاح نحوّله لك بعد 90 يوم.

الفلوس

متى توصلني أرباحي؟

كل أحد نحوّل رصيدك المتاح كامل لحسابك البنكي، إذا وصل 100 ريال أو أكثر. وإذا كان حسابك خارج السعودية، بنكيًا أو PayPal، نحوّله أول أحد من كل شهر. وأرباح الطلب تصير متاحة أول ما ينشحن.

وش هو «ادعم»؟

زر في رابطك يدعمك فيه جمهورك بالمبلغ اللي يبيه. يوصلك بعد رسوم بسيطة، ويتحوّل مع أرباحك كل أحد.

جمهوري برا السعودية يقدر يدفع؟

إيه، الدفع يوصلك من أي مكان في العالم. والميرش ينشحن داخل السعودية.

الطلبات والشحن

مين يدفع الشحن؟

عميلك يدفع 23 ريال للشحن، شاملة الضريبة، وما ينقص من أرباحك شي. ولو حبيت تعطي جمهورك شحن مجاني، تشغّله من الإعدادات، وينقص من أرباح كل طلب 20 ريال.

مين يصنع الميرش ويشحنه؟

نحن. ينطبع في مصنعنا بالدمام، ويتغلّف ويطلع باسم متجرك، ويوصل داخل السعودية خلال 2 إلى 9 أيام عمل.

مين يرد على جمهوري؟

فريقنا. أسئلة الطلبات والتوصيل علينا على واتساب، وأي عيب في المنتج نتكفّل فيه.

فيه دليل مقاسات؟

إيه. كل منتج له دليل مقاسات في صفحته، يشوفه جمهورك قبل ما يطلب.

وش يصير لو وصل المنتج فيه عيب؟

كل منتج ينصنع خصيصًا عند طلبه، فما فيه إرجاع ولا استبدال، حتى للمقاس أو اللون. وإذا وصل فيه عيب أو طباعة غلط أو ضرر في الشحن أو كان غير اللي انطلب، نبدّله أو نرجّع مبلغه، إذا راسلنا المشتري خلال 14 يوم من التوصيل مع صورة.

ما لقيت جوابك؟

اكتب لنا سؤالك، ونرد عليك.

support@bayrq.com