الأدلة

دونيشن تويتش: كيف تستقبل دعم جمهورك ويطلع على بثك

رابط دعم باسمك تحطه في تويتش، جمهورك يدفع بمدى وApple Pay والبطاقات من أي دولة، وكل دعم يطلع تنبيه على بثك. خطوة بخطوة.

فريق بيرق · آخر تحديث 13 نوفمبر 2026

باختصار

  • على تويتش فيه Bits والاشتراكات داخل تويتش، وفيه رابط دعم باسمك تحطه برا المنصة ويشتغل في كل مكان.
  • رابط الدعم في بيرق يدفع فيه جمهورك بمدى وApple Pay وفيزا وماستركارد، ومن برا السعودية بعملته.
  • وكل دعم يطلع تنبيه على بثك من OBS وStreamlabs Desktop وMeld، ومن كل 100 ريال يوصلك 94 ريال.

وش الفرق بين Bits والاشتراكات داخل تويتش ورابط الدعم؟

Bits والاشتراكات داخل تويتش تمر عن طريق المنصة وبشروطها، وما تطلع برا تويتش. رابط الدعم باسمك يشتغل على تويتش وعلى أي منصة ثانية بنفس الرابط، وجمهورك يدفع بالطريقة اللي تناسبه. تقدر تستخدم الاثنين.

وين تحط رابط الدعم في تويتش؟

  • في لوحات قناتك تحت البث («About»)، أضف لوحة بصورة وزر يفتح رابطك.
  • في أمر بالشات يرد برابطك.
  • في تنبيه البث نفسه: كل دعم يطلع على الشاشة ويذكّر الباقين.

كيف تسوي رابط الدعم؟

  1. سوّ رابطك من ابني رابطك.
  2. من «صمّم رابطك» أضف بطاقة «ادعمني» واكتب سطر يقول لجمهورك وش يسوي دعمهم.
  3. أضف حسابك البنكي أو PayPal من الإعدادات.

كيف يطلع الدعم على بث تويتش؟

انسخ رابط التنبيهات من «تنبيهات البث» في لوحتك، وأضفه مصدر متصفح في OBS وStreamlabs Desktop وMeld، وجرّب تنبيه. الخطوات لكل برنامج في دليل تنبيهات البث.

كم يوصلك؟

رسومنا 5% + 1 ريال من كل دعم، شاملة الضريبة: من 100 ريال يوصلك 94 ريال. أقل مبلغ 10 ريال، وأرباحك تتحول لحسابك السعودي كل أحد، أو أول أحد من كل شهر لو حسابك برا. الدونيشن حسب الدولة.

أسئلة تتكرر

هل تويتش يسمح برابط دعم من برا؟

كثير من صنّاع المحتوى يحطون رابط الدعم في تويتش. راجع شروط تويتش لحسابك قبل.

يطلع التنبيه مع طلبات الميرش؟

إيه، مع كل دعم وكل طلب ميرش من رابطك.

جمهوري برا السعودية يقدر يدعمني؟

إيه، بالبطاقات وApple Pay، ويشوف المبلغ بعملته.

كم ياخذ بيرق؟

5% + 1 ريال من كل دعم، شاملة الضريبة. من 100 ريال يوصلك 94 ريال.

رابط دعم لقناتك على تويتش

وتنبيه على البث مع كل دعم.

أطلق متجرك

أدلة ثانية