الأدلة

كيف تسوي ميرش باسمك بدون رأس مال

تيشيرتات وهوديز وبوسترات وأكواب بتصميمك، تنطبع في السعودية عند كل طلب وتوصل لجمهورك. بدون مخزون وبدون رأس مال.

فريق بيرق · آخر تحديث 12 نوفمبر 2026

باختصار

  • الميرش ملابس وأغراض بتصميمك واسمك يشتريها جمهورك: تيشيرت، هودي، بوستر، كوب.
  • في بيرق تصمم وتحدد سعرك، وكل طلب ينطبع في مصنعنا بالدمام ويتغلّف باسم متجرك ويوصل داخل السعودية خلال 2 إلى 9 أيام عمل.
  • ما تدفع شي مقدّم ولا تشتري مخزون: من كل طلب تنخصم الضريبة وتكلفة التصنيع ورسومنا 5% + 1 ريال من سعر البيع، والباقي لك.

وش هو الميرش؟

الميرش (Merch) اختصار Merchandise: تيشيرتات وهوديز وأغراض عليها اسمك أو شعارك أو جملة يعرفها جمهورك. اللي يحبك يلبس اسمك، وكل هودي يمشي فيه إعلان لك.

كيف يشتغل بدون رأس مال؟

بالطباعة عند الطلب: ما ينطبع شي إلا لما أحد يطلب. فما تشتري مخزون، وما تخزّن، وما تشحن بنفسك. يطلب المتابع، ننطبعه ونغلّفه باسم متجرك ونوصله.

كيف تسوي الميرش خطوة بخطوة؟

  1. ادخل من أطلق متجرك واختر اسم متجرك.
  2. اختر من الكتالوج وش تطبع عليه: تيشيرت، هودي، بوستر، كوب، ماوس باد.
  3. ارفع تصميمك وحطه على المنتج، واختر الألوان.
  4. حدد سعرك، وتشوف ربحك على كل مقاس قبل ما تنشر.
  5. انشر، وحط رابطك في البايو. الطلبات والتوصيل وأسئلة جمهورك علينا.

كم تربح من كل طلب؟

السعر بيدك. من كل طلب تنخصم الضريبة وتكلفة التصنيع ورسومنا 5% + 1 ريال من سعر البيع، والباقي لك. وتشوف ربحك على كل منتج وكل مقاس وأنت تحدد السعر. الشحن على جمهورك 23 ريال، أو تخليه مجاني لهم من الإعدادات.

مين يصنع ويشحن ويرد على جمهورك؟

المهمةمين يسويها
التصميم والسعرأنت
الطباعة والتغليفحنا، في مصنعنا بالدمام
التوصيل داخل السعوديةحنا، خلال 2 إلى 9 أيام عمل
أسئلة الطلبات والتوصيلفريقنا على واتساب
أي عيب في المنتجعلينا

وش تطبع؟ أفكار تبيع

  • جملة يقولها جمهورك عنك، أو لزمة تتكرر في محتواك.
  • شعار قناتك أو اسمك بخط واضح.
  • دروب محدود لمناسبة: رمضان، اليوم الوطني، أو بطولة تبثها.
  • بوستر من أشهر لقطة في محتواك.

والدعم في نفس الرابط

اللي ما يبي ميرش يقدر يدعمك مباشرة من نفس الرابط. كيف تسوي رابط دونيشن.

أسئلة تتكرر

كم يكلفني أبدأ؟

ولا شي مقدّم، وما فيه اشتراك.

أحتاج سجل تجاري؟

لا. ما تحتاج سجل تجاري ولا أي إعداد قانوني، حنا نتكفل بكل شي.

يوصل الميرش برا السعودية؟

الميرش ينشحن داخل السعودية. وجمهورك برا يقدر يدعمك من نفس الرابط.

أقدر أعدّل تصميمي بعد ما أنشره؟

إيه. تعدّل تصميم أي منتج من لوحتك متى ما بغيت.

وش يصير لو وصل المنتج فيه عيب؟

كل منتج ينصنع خصيصًا عند طلبه، فما فيه استبدال للمقاس أو اللون. وإذا وصل فيه عيب أو طباعة غلط، نبدّله أو نرجّع مبلغه إذا راسلنا المشتري خلال 14 يوم من التوصيل مع صورة.

متجر ميرش باسمك، وحنا نسوي الباقي

بدون رأس مال وبدون سجل تجاري.

أطلق متجرك

أدلة ثانية