الأدلة

كم تكلفة براند ملابس في السعودية؟ وكيف تبدأ بدون رأس مال

وين تروح فلوس براند الملابس: المخزون والتصميم والمتجر والتوصيل. ووش يتغير لما كل منتج ينطبع عند الطلب بدل ما تشتري مخزون.

فريق بيرق · آخر تحديث 20 نوفمبر 2026

باختصار

  • تكلفة براند الملابس تجي من أربعة أشياء: المخزون، والتصميم، والمتجر، والتوصيل وخدمة العملاء.
  • أكبرها المخزون: المصانع تطلب كمية من كل تصميم ومقاس، وتدفعها قبل ما تبيع أي شي.
  • مع الطباعة عند الطلب ما تدفع شي مقدّم: كل منتج ينطبع لما أحد يطلبه، وعلى بيرق متجرك جاهز، وحنا نوصل الطلبات ونرد على عملائك.

وش تحتاج عشان تبدأ براند ملابس؟

  • منتجات: تيشيرتات وهوديز وسويت شيرتات بتصميمك.
  • تصميم: شعار أو جملة أو رسمة تعرّف براندك.
  • متجر: مكان يشتري منه الناس ويدفعون.
  • توصيل وخدمة عملاء: أحد يغلّف ويشحن ويرد على الأسئلة.

ليش المخزون أكبر مخاطرة؟

لأنك تدفع قبل ما تعرف وش يبيع. تطبع كمية من كل تصميم بكل المقاسات، وبعض المقاسات تبقى عندك، والفلوس تجمد في كراتين.

مخزون أو طباعة عند الطلب: وش الفرق في التكلفة؟

التكلفة
المخزون
براند بمخزون
تدفعه كله قبل البيع
براند بالطباعة عند الطلب على بيرق
ولا شي، كل منتج ينطبع لما ينطلب
التكلفة
المتجر
براند بمخزون
تبنيه وتدفع اشتراكه
براند بالطباعة عند الطلب على بيرق
جاهز باسمك، بدون اشتراك
التكلفة
التغليف والتوصيل
براند بمخزون
عليك
براند بالطباعة عند الطلب على بيرق
علينا، خلال 2 إلى 9 أيام عمل
التكلفة
خدمة العملاء
براند بمخزون
عليك
براند بالطباعة عند الطلب على بيرق
فريقنا على واتساب
التكلفة
السجل التجاري
براند بمخزون
تحتاجه أو وثيقة عمل حر
براند بالطباعة عند الطلب على بيرق
ما تحتاجه

كيف تحسب ربحك من كل منتج؟

أنت تحدد سعر البيع، ومنه تنخصم الضريبة وتكلفة التصنيع ورسومنا، والباقي لك. وتشوف هذا الرقم على كل منتج وكل مقاس قبل ما تنشر، فما فيه مفاجآت.

أسئلة تتكرر

أقدر أبدأ براند ملابس بدون فلوس؟

إي، بالطباعة عند الطلب: ما تشتري مخزون، والتكلفة تنخصم من كل طلب لما ينباع.

أحتاج سجل تجاري؟

على بيرق لا. التفاصيل في متجر إلكتروني بدون سجل تجاري.

وش أرخص طريقة أجرب فيها فكرة براند؟

تنشر ثلاث تصاميم بالطباعة عند الطلب وتشوف وش يبيع، بدون ما تدفع شي مقدّم.

مين يحدد سعر البيع؟

أنت، وتشوف ربحك على كل مقاس قبل ما تنشر.

متجر ميرش باسمك، وحنا نسوي الباقي

بدون رأس مال وبدون سجل تجاري.

أطلق متجرك

أدلة ثانية